श्री जगदंबेने या पृथ्वीवर ५१ शक्तीपीठ स्थापन झाली आहे. त्या सर्व स्थानांमध्ये सप्तशृंग स्थान अतिश्रेष्ठ असून सर्व प्रकारची सिध्दी देणारे क्षेञ आहे. कोठे अष्ठभुजा कोठे चतुर्भुजा देवीचे स्थाने आहेत. परंतु या सप्तशृंग पर्वतावर राहून अठरा हाताने युक्त अशी श्रेष्ठ सदैव संपत्ती व सर्व सिध्दी देणारी हीच अष्टदशभुजा देवी महालक्ष्मी होय. या सप्तशृंग गडावर राहून अष्टमी, नवमी, चतुर्दशी, मंगळवार या तिथीस व वारास जो भगवतीचे पूजन करील त्याचे मनोरथ पूर्ण होतील.

देवीचा अष्टाक्षर महामंञाचा जप या पर्वतावर राहून करणार्‍यास, त्याचे इच्छित साध्य होण्याची संधी मिळेल. महिषासुरमर्दिनीची ध्यानयुक्त पुजा करणार्‍यास ज्ञानप्राप्ती होईल. इंद्रायणी, कार्तिकेयी, वाराही, वैष्णवी, शिवा चामुंडा, नारसिही या सात देवता अत्यंत क्रूर असून नानाविध शस्ञांनी युक्त आहेत. दैत्यसंहारासाठी  सज्ज असलेल्या त्या सप्तशृंग देवता त्या सात शिखरांवर वास्तव्य करतात. या पर्वताच्या खालील भागात सदैव महालक्ष्मीची सेवा करण्यात तत्पर असलेले वेताळ पर्वत रक्षणासाठी आहेत. ब्रम्हदेव वरील विवेचनानंतर शेवटी म्हणतात, 'हे नारदा, महिषासुराचा नाश करणारी ही सिंहावर स्थित व अलंकारभूषित असलेली, दयेनेयुक्त भगवती महालक्ष्मी आहे. तिचे पूजन करणार्‍याचे मनोरथ पूर्ण होऊन त्यास मुक्ती मिळेल.